هي وهو

ﻫﻤﺎ ﺍﻻﺗﻨﻴﻦ ﺃﻭﻧﻼﻳﻦ !

ﻭﺍﻟﻄﺒﻴﻌﻰ ﺍﻧﻬﻤـ ﻣﺒﻘﻮﺵ ﻳﺘﻜﻠﻤﻮﺍ
‏ﻫﻰ‬ ﺍﻟﻤﻠﻞ ﻣﻤﻮﺗﻬﺎ ﻭﻋﻤﺎﻟﻪ ﺗﻨﺰﻝ ﻓﻰ ﺑﻮﺳﺘﺎﺕ
‏ﻫﻮ‬ ﻣﻔﻴﺶ ﺣﺎﺟﻪ ﻓﻰ ﺩﻣﺎﻏﻪ ﻏﻴﺮ ﺍﻧﻪ ﻳﻌﻤﻞ ﺭﻳﻔﺮﻳﺶ
ﻟﻠﻬﻮﻣـ ﻛﻞ 5 ﺩﻗﺎﻳﻖ !
ﻭﻓﻰ ﻭﺳﻂ ﺍﻟﺮﻳﻔﺮﺵ ﻟﻘﺎ ﺍﻟﻬﻮﻣـ ﻛﻠﻪ ﺑﻮﺳﺘﺎﺗﻬﺎ ﺍﻟﺤﺰﻳﻨﻪ
ﻭﺍﻟﻜﺌﻴﺒﻪ ﻭﺍﻟﻠﻰ ﻣﻤﻜﻦ ﺗﺨﻠﻴﻚ ﺗﻘﻮﻡ ﺗﺸﻨﻖ ﻧﻔﺴﻚ
ﻓﻰ ﺣﻴﺮﺗﻪ ﺍﻧﻪ ﻳﻜﻠﻤﻬﺎ ﺍﻭ ﻻ
ﺧﺼﻮﺻﺎ ﺍﻥ ﻫﻮ ﺍﻟﻠﻰ ﻃﻠﺐ ﺍﻧﻬﻤـ ﻳﺒﻌﺪﻭﺍ
ﻭﻫﻮ ﻋﺎﺭﻑ ﻫﻰ ﺑﺘﺤﺒﻪ ﻗﺪ ﺍﻳﻪ
ﺣﺲ ﺍﻥ ﺳﺒﺐ ﺍﻟﺨﻨﻘﻪ ﺍﻟﻠﻰ ﻫﻰ ﻓﻴﻬﺎ ﺩﻯ ﻛﻠﻬﺎ  ﻫﻮ !!
ﺩﺧﻞ ﻳﻜﻠﻤﻬﺎ
ﻫﻮ : ﺍﺯﻳﻚ ؟ !
ﻫﻰ : ﺍﻟﺤﻤﺪﻟﻠﻪ ﻭﺍﻧﺖ
ﻫﻮ : ﺍﻟﺤﻤﺪ ﻟﻠﻪ
ﺍﻳﻪ ﺍﺧﺒﺎﺭ ﺍﻟﺪﻧﻴﺎ ﻣﻌﺎﻛﻰ
ﻫﻰ : ﻋﺎﺩﻯ ﻣﺎﺷﻴﻪ !
ﻫﻮ : ﻣﺎﻟﻚ ؟ !
ﻫﻰ : ﻣﺎﻟﻰ
ﻫﻮ : ﻣﺶ ﺗﻤﺎﻡ ؟ !
ﻫﻰ : ﺍﺷﻤﻌﻨﻰ
ﻫﻮ : ﺑﻮﺳﺘﺎﺗﻚ !! ﺍﻳﻪ ﺍﻻﻛﺘﺌﺎﺏ ﺍﻟﻠﻰ ﺍﻧﺘﻰ ﻓﻴﻪ ﺩﻩ ؟ !
ﻫﻰ : ﻋﺎﺩﻯ ﻣﻠﻞ
ﻫﻮ : ﻣﻦ ﺍﻳﻪ
ﻫﻰ : ﻣﻦ ﻛﻠﻪ
ﻫﻮ : ﺯﻯ ﺍﻳﻪ ؟ !
ﻫﻰ : ﻛﻞ ﺣﺎﺟﻪ ﺷﻐﻞ ﺑﻴﺖ ﺻﺤﺎﺏ ﻣﻔﻴﺶ ﺟﺪﻳﺪ ﻭﻻ ﻓﻰ
ﺗﻘﺪﻳﺮ ﻭﻻ ﻓﻰ ﺣﺪ ﻭﺍﻗﻒ ﺟﻤﺒﻚ ﺍﻟﻜﻞ ﻋﻠﻴﻚ ﻭﺑﺲ !!
ﻟﻐﺎﻳﻪ ﻣﺎ ﻳﻮﺻﻠﻮﻙ ﻟﻤﺮﺣﻠﻪ ﺍﻧﺖ ﻣﺶ ﻋﺎﻭﺯ ﺍﻟﺪﻧﻴﺎ ﺑﺎﻟﻠﻰ
ﻓﻴﻬﺎ !!
ﻋﺎﺭﻑ ﻟﻮ ﻓﻰ ﺣﺎﺟﻪ ﺣﻠﻮﺓ ﺗﺼﺒﺮﻙ ﻭﺍﻟﻠﻪ ﻫﻨﺒﻘﻰ ﺣﻠﻮﻩ
ﺍﻧﻤﺎ ﻛﻠﻪ ﻋﻠﻴﻚ ﻛﺪﻩ ﺻﻌﺐ !! ﺻﻌﺐ ﺍﻭﻯ ﻛﻤﺎﻥ
ﻫﻮ : ﻃﺐ ﻣﺶ ﻳﻤﻜﻦ ﻓﻰ ﺣﺎﺟﺎﺕ ﺣﻠﻮﺓ ﻓﻌﻼ ﺣﻮﺍﻟﻴﻜﻰ
ﺑﺲ ﺍﻧﺘﻰ ﻣﺶ ﻭﺍﺧﺪﻩ ﺑﺎﻟﻚ ﻣﻨﻬﺎ !!
ﻫﻰ : ﻳﻤﻜﻦ ﻣﺶ ﻣﻬﻢ ﻣﻌﻠﺶ ﺻﺪﻋﺘﻚ .... ﻓﻜﻚ ﺑﻘﻰ
ﻫﻮ : ﻻ ﺩﻩ ﺍﻛﻴﺪ ﺑﺼﻰ ﺍﻧﺘﻰ ﺍﻟﻠﻰ ﺣﺎﺑﺴﻪ ﻧﻔﺴﻚ ﻭﻋﺎﻳﺸﻪ
ﻋﻠﻰ ﺍﻣﻞ ﻡ ﺍﻟﻤﺎﺿﻰ ! ﻭﻋﺎﻳﺸﻪ ﺍﻟﻜﺂﺑﻪ ﺑﺘﺎﻋﺘﻪ !! ﺣﺎﻭﻟﻰ
ﺗﻌﻴﺸﻰ ﻉ ﺍﻟﻮﺍﻗﻊ ﺍﻛﻴﺪ ﻫﺘﻼﻗﻰ ﺣﺎﺟﺎﺕ ﺗﺎﻧﻴﻪ ﺍﺣﻠﻰ
ﻫﻰ : ﺍﻟﻤﺎﺿﻰ ﺍﻩ !!
ﺑﺺ ﺍﻟﻤﺎﺿﻰ ﺩﻩ ﺍﻧﺎ ﻋﺎﺭﻓﻪ ﺍﻧﻪ ﻣﺶ ﺭﺍﺟﻊ ﻭﻻ ﻫﻴﺮﺟﻊ ﻭﻻ
ﺍﻧﺎ ﺣﺘﻰ ﻣﺴﺘﻨﻴﺎﻩ !!
ﺍﻧﺎ ﻟﻮ ﻓﻰ ﻣﻮﻭﺩ ﺩﻟﻮﻗﺘﻰ ﺯﻓﺖ ﻑ ﺩﻩ ﻣﺶ ﻋﺸﺎﻥ ﺍﻧﺎ
ﻣﺴﺘﻨﻴﻪ ﺣﺪ ﺍﻧﺎ ﻗﻔﻠﺖ ﺻﻔﺤﺘﻪ ﻳﺮﺟﻊ ﻻ ﺍﻧﺎ ﻑ ﻣﻮﻭﺩ
ﺯﻓﺖ ﻋﺸﺎﻥ ﻣﺶ ﻻﻗﻴﻪ ﺗﺠﺪﻳﺪ ﻭﻣﺶ ﻣﻌﻨﻰ ﺍﻧﻰ
ﺑﺤﻜﻴﻠﻚ ﻭﺑﻔﻀﻔﻀﻠﻚ ﻳﺒﻘﻰ ﺍﻧﺎ ﻋﺎﻭﺯﺍﻙ ﺗﺤﻦ ﺍﻭ ﺍﺻﻌﺐ
ﻋﻠﻴﻚ !! ﻻ ﻣﺶ ﺍﻧﺎ
ﺍﻧﺎ ﻟﻮ ﻛﻠﻤﺘﻚ ﺑﺲ ﻋﺸﺎﻥ ﺍﻧﺖ ﺳﺄﻟﺖ ﻭﻋﺸﺎﻥ ﺍﻧﺖ ﻋﺸﺮﺓ
ﻭﺍﺻﺤﺎﺏ ﻋﺎﺩﻯ !!
ﺍﻧﻤﺎ ﺍﻟﻤﺎﺿﻰ ﺍﻟﻠﻰ ﺑﺘﺘﻜﻠﻢ ﻋﻠﻴﻪ ﺩﻩ ﻣﺶ ﻓﻰ ﺩﻣﺎﻏﻰ
ﻭﺍﻟﻤﺎﺿﻰ ﺍﻟﻠﻰ ﺍﻧﺖ ﺑﺘﺘﻜﻠﻢ ﻋﻠﻴﻪ ﺩﻩ ﺍﻧﺖ ﺍﻟﻠﻰ ﺑﺘﺮﺟﻌﻪ
ﺑﻜﻼﻣﻚ ﻣﻊ ﺍﻧﻰ ﻗﺎﻓﻠﻪ ﻋﻠﻴﻪ !!
ﺍﻭﻋﺎﻙ ﺗﻜﻮﻥ ﻓﺎﻛﺮ ﺍﻧﻰ ﻃﺎﻳﺮﺓ ﻡ ﺍﻟﻔﺮﺡ ﻋﺸﺎﻥ ﻛﻠﻤﺘﻨﻰ !! ﻻ
ﺍﻧﺎ ﺭﺩﻳﺖ ﺑﺲ ﻋﺸﺎﻥ ﺍﻧﺎ ﻣﺒﺒﻌﺶ ﺍﻟﻌﺸﺮﺓ ﻭﻻ ﺍﻟﻤﻌﺮﻓﻪ
ﺑﺎﻟﺴﺎﻫﻞ ﻭﻋﺸﺎﻥ ﻣﺶ ﻗﻠﻴﻠﻪ ﺍﻟﺰﻭﻕ ﻋﺸﺎﻥ ﺍﻋﻤﻞ Seen
ﻭﻣﺮﺩﺵ
ﻫﻮ : ﺍﻧﺎ ﻟﻤﺎ ﺑﻘﻮﻟﻚ ﻛﺪﻩ ﻣﻘﺼﺪﺵ ﻛﻞ ﺍﻟﻠﻰ ﻓﻬﻤﺘﻴﻪ ﺩﻩ
ﻫﻰ : ﺗﻘﺼﺪ ﺍﻭ ﻻ ﺍﻧﺎ ﺑﺲ ﺣﺒﻴﺖ ﺍﻭﺿﺤﻠﻚ ﺣﺎﺟﻪ ﺗﻘﺮﻳﺒﺎ
ﻛﺎﻧﺖ ﻟﺴﻪ ﻣﻮﺻﻠﺘﺶ
ﻭﺑﻌﺪ ﺍﺫﻧﻚ ﻋﺸﺎﻥ ﻋﻨﺪﻯ ﺷﻐﻞ ﺑﻜﺮﺓ .... ﺳﻼﻡ

Share on Google Plus

About Unknown